لماذا كره جحا حماره 1

**Admin** الأربعاء أغسطس 18, 2010 5:34 am

جلست وحمارى يومااتفقد حاله فحدثنى عن احوال الناس اليوم فلم يعجبنى
كلامه
قللى بقلك ايه تعالا نشوفهم عاملين ايه
فركبته وتجولنا
ح: ايه رايك فى حال البلد كويس
ج: ماله حال البلد
ح: طب كفايه كده علشان محدش ياخد باله يللا انا هرجعك البيت
ج: طيب زى متحب
وبعد عودتنا جلست اللى جواره وتحادثنا
ج: مالها البلد يا حمار
ح: انا اقلك يا سيدى لما يبقى مرتب الموظف 200 ج ح ((جنيه حميرى))
ولما يبقى كيلو اللهمه ب50 ج ح تبقى مشكله لانه كده هيضطر يشترى
شربة دجاج ماكى
كده يبقى حرام ولما يبقى منظر الشوارع كده تصور ان انا رجليا بتوجعنى
من الدقدقه اللى فى الشوارع بسبب مواسير الميه وغيرها
ومع ذلك فى ناس راكبه عربيات كرو مرسيدس تصور فيها حمار بسرعة 4000 رفصه فى الساعه
والناس العاديه راكبه الكروهات العامه حمولة 15 مواطن ويركبها
50 مواطن
طب شوف انت كده الناس بقى شكلها عامل ازاى من الزحمه زى فرد الكوتش مع احترامى ليهم
ج: طب وانت مالك يا حمار ؟
ح: انا صعبان عليا اشكال الناس كده وبعدين مهو كلنا فى الهوى سوى
لما انت يا جحا متلاقيش تاكل مهو انا كمان مش هلاقى اكل
بص كده حوليك ايه رايك فى الناس قللى المشكله فى مين فى الناس
ولا فى الحمير ولا فى المسؤلين
ج: خلاص يا حمار روح نام انت ونتكلم بكره .. تصبح على خير يا حمار
ح: وانت من اهلو

هنكمل المرره اللى جايه