الكيلو 120

**Admin** الأربعاء أغسطس 18, 2010 7:35 am

كعادتي دائما اتوجه في فترة الأجازة إلي عروس البحر الأبيض المتوسط مع اولاد خالتي وبما انه كان يوم الوقفه فقد كنت متردد هل أذهب خصوصا ان كان عندي اجازة يوم واحد فقط وفي اثناء تقكيري فوجئت بموبايل بيتصل بيا الساعة التاسعه مساءا يوم الوقفه بيقولي
المتحدث : ازيك يا واطي
نوكيا : الحمد لله مين
المتحدث : مش ناوي تيجي
نوكيا :اجي فين
المتحدث : الأسكندرية
نوكيا : قشطة موافق
المتحدث : طب انا هخلص مع أصحابي وجاي اخدك ونطلع
نوكيا : قشطة لما تخلص اتصل بيا قولي
المتحدث : سلام

المهم جهزت شنطة السفر بتاعتي إللي هيا عبارة عن تي شيرت وقميص وهاردين هههههههههههه ماهو يوم واحد وراجع علي طول بكا

الساعة الواحده صباحا
نوكيا : انت فين ياض
المتحدث : في المهندسين
نوكيا : طب مستنيك

الساعة الثانية صباحا
نوكيا : انت فين ياض
المتحدث : في الزمالك

الساعة الرابعه صباحا
نوكيا : ها وصلت فين
المتحدث : رايح مشوار المقطم وجايلك هوا
نوكيا : طب انجز علشان عايز انام

الساعة الخامسة صباحا
نوكيا : انت فين يا عم القمور
المتحدث : انا جانب البيت البس وانزل بس عايزين نشرب قهوه ضروري علشان يعقوب ميت من النوم
نوكيا : طب تعال اوديكوا قهوه وناكل ونمشي
( طبعا الكل بيسأل مين يعقوب....مش مشكلة دلوقتي هتعرفوه في الأخر بس كملوا القصة الفقرية معايا...ماهو كان يوم زي الفل )

روحنا القهوه والبهوات شربوا القهوه والشاي ماعدا " المتحدث " المهم ركبنا كلنا في العربية وكنا 5 انفار يعقوب سايق ، المتحدث جانبه ، نوكيا وراه ، محمد ابن خالتي ، علاء صاحب المتحدث
اخدنا اول كوبري سته أكتوبر
يعقوب : انت عارف الطريق يا نوكيا
نوكيا : عيب عليك ( وطبعا انا مكتش عارف حاجة ومعتمد علي الأشارات إللي مكتوبه )
يعقوب : طب قشطه
نوكيا : قشطة يا مان ( بيني وبين نفسي قولت ربنا يستر وبدل ماناخد طريق الأسكندرية ماناخدش طريق طره )

اخدنا اول الصحراوي وفأجاة لاقينا العربية بترقص !!!!
قولنا مش مشكلة اهي رقصة العيد المهم كملنا شوية وبنبص علي عداد السرعه لاقيناه علي 70 كم / ساعة فسألنا يعقوب انت ماشي علي الكام قالنا علي الرابع طبعا الكل استغرب ازاي علي الرابع وعلي 70 كم
المهم قولنا جايز هوا مظبطها كدا علشان الرادار
واحده واحده لاقينا السبعين بقت 50 كم قولنا ربنا يستر
احنا ندخل اقرب بنزينه احلي حاجة علشان نظبط العربية بدل الجمل إللي راكبينه دا
طبعا الكلام دا اول يوم العيد الساعه 7 الصبح والناس كلها قافله ومسافرة
دخلنا اول بنزينه معفنه قابلناها ووقفنا العربية وياريتنا ماوقفناها
نزلنا سألنا علي ميكانيكي قالوا مفيش
طب ياللا بينا
العربية مش عايزه تدور
يادي النيله
زوق يا معلم

دخلنا تاني بنزينه
في ميكانيكي ؟
لا مفيش
طب سلام عليكم
وبرضوا زق يا معلم

الثالته تابته بكا
وصلنا الكيلو 120 عند الماستر كدا ووقفنا وقولنا اكيد هانلاقي ميكانيكي
االمهم نزلنا ولاقينا ميكانيكي عقر
قالنا في ايه يا شباب
قولناله العربية بترقص من الصبح واخرها 70 كم
المهم راح مشمر رجله وفاتح الكبوت ونط جواه
قاعد يلعب في الموتور شوية وفاجأة طلع ببتاعه حديد طويلة قالنا العربية عايزه ابلاتين وكوندنسر ( طبعا احنا معرفتنا عند الكوندسر زي بالظبط معرفتنا عن كوكب المريخ الصديق )
المهم قولنا مش مشكلة نصلحها ونغور
قالنا 25 جنيه مصنعية و25 جنيه ثمن الحاجة
كلنا بصينا لبعض وسكتنا علشان نخلص خصوصا ان الساعه بقت 9 الصبح
المهم قام البيه الميكانيكي قالنا طب لفوا العربية الناحية التانية !!!!!!
قولنا لبعض ازاي قالنا هاتو ونش يقطر العربية ويلفهالي عند الورشة
المهم ان البيه لا طلع عنده ابلاتين ولا كوندسر
قولنا نديها كمان زقه ماجتش علي المرة دي
نزلنا احنا الأربعه نزق وواحد يدور مفيش
ياعم دور برضوا مفيش
طب ايه الحل ؟؟؟؟؟؟؟
الناس كلها نايمه
ومفيش اي ونش ولا اي حاجة
ومفيش ميكانيكي
روحت قولت " للمتحدث " اتصل بـاخوه وابن خالتي " المنقذ " وقوله علي اللي حصل
دارت مباحثات طويلة وعريضة استمرت لمدة ساعتين
استقر الوضع علي ان " المنقذ " سوف ياتي بعربيته ومعاه ميكانيكي اسمه علي من الأسكندرية وطلبنا من الميكانيكي كل الحتياجات اللازمه تحسبا لاي موقف خصوصا ان العربية مش باينلها صاحب اصلا ولا حد عارف هيا بترقص ليه
دخلنا الماستر قولنا نقعد شوية خصوصا ان مفيش حد فينا نام خالص
جيبنا بيبسي وسجاير وشيبسي وعادي جدا
دخلنا جوا اكتر قولنا نطفح اي حاجة
انا طلبت واحد كرواسون ( اصلي متربي علي الغالي ولازم افطر كرواسون بالشاي )
سالت " المتحدث " تطفح ايه قاللي مش عايز اي حاجة انا مستني اخويا " المنقذ "

الساعة 12 الظهر ولم ياتي أحد وكله بدأ ينام في الكافيه
طبعا مش هقولكوا علي طعم الكرواسون ابو 4 جنيه إللي شبه البقسماط إللي في الفرن

الساعه 12.45 ظهرا
المنقذ : ايوا يا نوكيا انت فين
نوكيا : انا جوا في الكافيه انت إللي فين
المنقذ : انا قدام الماستر اهو حد يطلع بسرعه علشان نخلص
نوكيا : اوك هبعتلك ال" المتحدث "

ذهب المتحدث سريعا إلي الميكانيكي ليري ما بجعبته ليجد ان كل مايحمله الميكانيكي هو قطعتين فقط عبارة عن مفتاح 13 ومفك عادي !!!!!!!!!!!!!!!!!

المهم صلحنا ام العربية في 5 دقايق تقريبا وقلنا الحمد لله
طلعنا من الكافيه علي مجموعتين مجموعة في سيارة " المتحدث " العطلانه وانا روحت مع " المنقذ " في سيارته

من الساعة 1 الظهر حتي الساعه الثاله ماساءا واحنا في الطريق وكل دا في 120 كيلو لنضرب الرقم القياسي في عدد مرات الوقوف لاكثر من 8 مرات

وعلشان حظنا مهبب ومطين الكاوتش فرقع لتكتمل سلسلة الكوارث
نزلنا غيرنا الكاوتش ومشينا
راح الميكانيكي واقف تاني
العربية سخنت !!!!!!!!
ادينالها شوية ميا علشان كانت عطشانه
وفاجاة فوجئنا بالعربية تطير علي سرعة 150 كم

ووصلنا الأسكندرية بسلام
وكان الكل يسالنا اي كنتم كل ذلك الوقت لانهم يعلمون اني خرجت من القاهرة الساعه السادسه صباحا وكان ردنا عليهم ان احنا كنا بنتفسح علي البحر ( ماكنش بحر )

بذلك نكون قد ضربنا الرقم القياسي في عدد الساعات للوصول من القاهرة للأسكندرية محطمين الرقم السابق المسجل باسم السيد منحوس الفقري ورحنا نمنا حتي الساعه التاسعه مساءا ولم نفعل اي شئ في ذلك اليوم ليضيع اول يوم العيد ولتكتمل سلسلة النحس الملازم ليا
اهئ اهئ اهئ اهئ

البطولة :
المتحدث : 3amr_3d
المنقذ : soly_one
المنحوس الجديد : Oo-Nokia-oO