اوعى الطريق

**Admin** الأربعاء أغسطس 18, 2010 7:21 am

والله هالنى ما سمعت من هذا الخبر, استوقفنى كثيرا جدا ورحت افكر واقول لنفسى طب احنا لية مش كدة

توقف سيارة عبدالله جول رئيس الوزراء التركى فى الطريق فى المرور مثلة مثل الاخرين من الناس هو وعربية الحراسة الخاصة مع الناس
قلت فى عقل بالى يا الهى رئيس الوزراء التركى مثلة مثل الناس ويقف فى الطريق والاشارات مثلة مثل الاخرين

قعدت اقارن بية وبين المسؤلين المصريين وسيما لو كانوا وزراء وقلت فى عقل بالى دة لو فى وزير مصرى معدى مش فى دبانة بتعدى فى الطريق اللى بيعدى فيها الوزير المحترم والطرق تقفل ومصالح الناس لا اهمية لها والدنيا تتقلب وتكون هناك اشياء تحدث مش عايز اقول ليكم والله رايت بعينى هذة امراة كانت ستدهس من عربيات الحراسة بتاعت احدى الوزراء فى التحرير
قلت اة يا بلد
يا اللى فيكى الطرق مش ليها حساب للسادة المسؤلين

يا سلام بقى لو سيادتة معدى يبقى يوم مش معدى اصلا لن انسى عندما كنت اوصل اخى الى المطار تصادف انا كنا رايحين المطار وسيادتة كان هيقوم ويروح مسافر مش هقولك مش بنمشى ولكن هقولك كلاب مسعورة ماشية فى الطرق كل كلب من دول ياكل عشرة بنادمين وهو شبعان
وثيران بنادمية ايضا لا اعرف من اية ياتون بهم

كلة قوم الناس اللى فى فوق السطوح

والناس اللى ماشية فى الشوارع دى مش ناس عادية دى ناس اللى بالى بالك

دة غير وغير وغير

قلت ياة لو الواحد فى تركيا وعربية موازية تعربية عبدالله جول والواحد يشاور لية ويضحك كدة زى البشر ويبتسم لية بابتسامتة المعهودة الجميلة وتخيلت نفسى فى تركيا وفى نفس الموقف الذى كان فية هؤلاء الناس الذين يتعاملون مع بشر مش متخيلين الناس هنا ذئاب بشرية

ولكن اقل ما يعرف ان هذة الحراسات بهذا الشكل من اللى بيعملوة فى الناس لانهم عارفين ان الناس محروقة منهم وخايفين على انفسهم من هؤلاء الذين يموتون كل يوم بايديهم هما وليس احد اخر